بیورن ڈال ۔ اوسلو ۔ ناروے
فرح طیّب
ناروے (اوسلو) اسلامی جمہوریہ پاکستان کا 68 و اں یوم آزادی ناروے کے دارالحکومت اوسلو کے علاقہ بیورن ڈال میں پورے جوش و خروش اور جذبہ حب الوطنی کے ساتھ منایا گیا ۔
بچوں کی شاندار کارکردگی ، پاکستانیوں کی اپنے بچوں سمیت بھر پور شرکت ، اور مقامی آبادی کی پروگرام میں خصوصی دلچسپی نے پروگرام کو مزید پر رونق بنادیا ۔ بیورن ڈال کے پاکستانی گزشتہ آٹھ سالوں (2007) سے ہر سال پاکستان کا یوم آزادی خصوصی انتظامات اور جوش و جذبہ کے تحت مناتے ہیں ۔ پروگرام کا انعقاد ” اردو سنٹر ناروے ” کے زیر اہتمام کیا جاتا ہے ۔
رنگا رنگ لباس میں ملبوس پاکستانی ، خصوصا بچے اور خواتین سبز ہلالی پرچم ہاتھوں میں لئے ، پاکستان زندہ باد کے نعروں کی گونج میں پروگرام میں شرکت کرتے ہیں اور سب کے دلوں کو گرماتے ہیں ۔
14 اگست 2014 بروز جمعرات شام پانچ بجے ہونے والی اس پروقار تقریب میں ، پاکستانی بچوں نے اپنی تابناک روایات کو زندہ رکھتے ہوئے ، وطن سے اپنی محبت کا اظہار خوبصورت نظموں ، ترانوں ، تقریروں ، ٹیبلو، معلومات پاکستان اور نعروں کے ساتھ کیا ۔
پروگرام میں سٹیج سیکرٹری کے فرائض ضحی فاطمہ اور مریم خان نے مشترکہ طور پر سرانجام دئے ۔
جبکہ پروگرام میں 3سال سے لے کر 17سال تک کے طلبہ و طالبات نے بھر پور حصہ لیا اور شرکاء کے جذبہ حب الوطنی کو خوب بڑھایا۔
ان بچوں نے اردو سنٹر ناروے میں اردو پڑھنا ، سمجھنا ، بولنا اور لکھنا سیکھی ہے ۔
بچوں کی اردو زبان پر گرفت ، سٹیج پر ان کا اعتماد اور پاکستان کے ساتھ محبت کا اظہار ، حاضرین کیلئے بہت متاثر کن تھا ۔
جس کا ثبوت شرکاء نے بچوں کی بھر پور حوصلہ افزائی کے ساتھ کیا ۔
حافظ محمد طیب میاں نے تمام بچوں کی کارکردگی کا خوب سراہا اور ان کو بہت بہت مبارکباددی ، والدین اور دیگر افراد کا شکریہ ادا کیا ۔
پروگرام کے اختتا م پر وطن عزیز اسلامی جمہوریہ پاکستان کی سلامتی ، پاکستان اور پاکستان میں رہنے والوں اور پاکستان سے محبت کرنے والوں کی خیریت کی دعا کی گئی۔ اس کے ساتھ ساتھ پاکستان کی نظریاتی و جغرافیائی سرحدوں کی حفاظت کا عزم دہرایا گیا اور پاکستان کی حفاظت کرنے والوں کیلئے استقامت اور کامیابی کی خصوصی دعائیں کی گئیں ۔ موجود حالات میں پاکستان میں باہمی بھائی چارہ ، امن و امان اور معاشی استحکام کیلئے خاص دعابھی کی گئی ۔
الٰہی وطن میرے کو آباد رکھ ابد کی گھڑی تک اسے شاد رکھ
دعا کے بعد بچوں کیلئے خصوصی ریفریشمنٹ آئس کریم ، چاکلیٹ ، وافلر اور کیک کا انتظام تھا جبکہ شرکاء کیلئے ہلکی پھلکی ریفریشمنٹ کا انتظام کیا گیا تھا ۔ بچوں کے والدین اور دیگر پاکستانیوں نے ” اردو سنٹر ناروے ” کا خصوصی شکریہ ادا کیا ۔ اور ہر سال 14اگست کو پروگرام میں شریک ہونے کا عہد کیا ۔ اور اس طرح بیورن ڈال ، اوسلو میں ایک اور یادگار شام کا اختتام ہو۔ پاکستان زندہ باد
درست کہا شبانہ سمجھ تبھی لگے گی جب اسکی دوسری قسط لگے گی۔ تبصرہ کا شکریہ ہمارے ساتھ رہیں۔