رومی شہری کو انسانی اسمگلنگ کے الزام میں سزا

رومانیہ کے باون سالہ شہری کو تیرہ سالہ لڑکی کو ناروے غیر قانونی طور پر لانے کے الزام میں ایک سال کی قید سنائی گئی۔یہ کیس برگن شہر میں تحفظ اطفال کے شعبے میں درج کیا گیا ہے۔
تفصیلات کے مطابق رومانیہ کے شخص نے تیرہ سالہ لڑکی کی شادی زبردستی اپنے بیٹے سے کی تھی۔جس کے لیے اس نے اس کے والدین کو دس ہزار ڈالر دیے جو کہ چوراسی ہزار نارویجن کرونے کے برابر ہیں۔
اس کے بعد اسے ناروے لا کر بھیک مانگنے پر مجبور کیا گیا۔نارویجن نیوز بیو رو نے ناکام ہونے والے رومانیہ کے وکیل سے اس بارے میں تبصرہ کرنے کو کہا جو کہ اس نے نہیں کیا۔اس لیے اس بات کا امکان ہے کہ سزا کے خلاف اپیل نہیں کی جائے گی۔
NTB/UFN