Warning: Undefined array key "geoplugin_countryName" in /customers/d/7/4/urdufalak.net/httpd.www/wp-content/plugins/stylo-core/stylo-core.php on line 96

اب دکھائیں گے کچھ امکانات رقص

غزل

افتخار راغبؔ
دوحہ قطر

اب دکھائیں گے کچھ امکانات رقص
بند کر رقّاصۂ خدشات رقص

روشنی کے ساتھ آئی روشنی
کیوں نہیں کرتے حسیں ذرّات رقص

اک گھڑی کی منتظر تھی زندگی
اک گھڑی کرتی رہی دن رات رقص

تجھ سے دل نالاں نہیں طاؤسِ غم
اچھا لگتا ہے بسا اوقات رقص

ایک ساعت روح کو برما گئی
ذہن میں کرتی رہی اک بات رقص

اور کب تک خون تھوکے زندگی
اور کب تک گردشِ حالات رقص

آب گیرِ دل میں اترا تھا کوئی
اب بھی کرتی ہے بَطِ جذبات رقص

نور پر راغبؔ رہے گا دل مرا
لاکھ دکھلائے شبِ ظلمات رقص

اپنا تبصرہ بھیجیں