waseem hyder
وسیم ساحل
انسان ہمیشہ سے طویل اور صحت مند جوانی کا راز جاننے کی کوشش میں رہا ہے اور خوش قسمتی سے قابل رشک صحت اور زندگی کیلئے شہرت رکھنے والے ایک قدیم بدھ راہب نے اس راز کو تحریری طور پر جدید دنیا کے انسان کیلئے محفوظ کر دیا تھا جو اب منظر عام پر آ چکا ہے۔
بدھ مت کے ایک مشہور شاﺅلین راہب کو چینی تاریخ میں ایک نامور دانشور کی حیثیت بھی حاصل ہے جبکہ وہ مارشل آرٹ میں بھی اعلیٰ ترین مہارت کا مالک تھا۔ اس راہب نے زندگی کو بھرپور صحت اور جوانی کے ساتھ گزارنے کیلئے کچھ نہایت سادہ اصول بیان کئے جو درجہ ذیل ہیں۔
* بہت زیادہ اور غیر ضروری سوچ بچار میں مت پڑیں کیونکہ اس میں آپ کی دماغی توانائی خرچ ہوتی ہے اور بڑھاپا قبل از وقت وارد ہو جاتا ہے۔
* فضول بات چیت مت کریں کیونکہ دنیا میں دو طرح کے لوگ پائے جاتے ہیں ایک وہ جو باتیں کرتے ہیں اور دوسرے وہ جو کام کرتے ہیں۔ صحت اور جوانی کیلئے ضروری ہے کہ آپ باتیں کرنے کے بجائے کام کریں۔
* جب بھی کوئی کام کریں تو 40 منٹ کام کے بعد 10 منٹ کیلئے آرام کریں۔
* کسی بھی چیز کو مسلسل مت دیکھیں، یہ آپ کی بصارت کو تباہ کر دے گا۔
* جب آپ خوش ہوں تو اپنی خوشی کو قابو میں رکھیں کیونکہ بے قابو ہونے کی صورت میں آپ اپنے پھیپھڑوں کو نقصان پہنچائیں گے۔
* بے جا پریشانی سے بچیں کیونکہ پریشانیاں آپ کے جگر اور آنتوں کو نقصان پہنچاتی ہیں۔
*کھانا کھائیں تو پیٹ بھر کر نہ کھائیں بلکہ کچھ بھوک باقی ہو تو ہاتھ روک لیں۔
* اگر آپ اپنا کام اچھے طریقے سے مکمل کرنا چاہتے ہیں تو کبھی بھی جلدی نہ کریں بلکہ ذہنی سکون اور اطمینان کے ساتھ اور پریشانیوں کو جھٹک کر کام کریں۔
* اگر آپ صرف جسمانی ورزش کرتے ہیں اور ذہنی ورزش کی گونگ نہیں کرتے تو آپ اپنا توازن کھو بیٹھیں گے اور صبر کی نعمت سے محروم ہو جائیں گے۔
* اگر آپ صرف ذہنی کسرت اور مراقبہ کرتے ہیں اور جسمانی ورزش نہیں کرتے تو ین اور یانگ کا توازن بگڑ جائے گا اور آپ کا ذہنی سکون برباد ہو جائے گا۔
* شاﺅلین کی آپ کو نصیحت ہے کہ جسم اور ذہن دونوں پر توجہ دیں تاکہ آپ ین اور یانگ توانائیوں کا توازن قائم رکھ سکیں اور یہی اصل میں لمبی اور بھرپور جوانی کا راز ہے۔
ثمرہ `کہانی پڑھنے اور سراہنے کا شکریہ ، مزید رائے کا انتظار رہے گا۔