ایسٹر کی چھٹیاں گزارنے والے ایک خاندان کو اولیسند میں سونے اور ہیروں کی جڑائوانگوٹھیوں سے بھرے دو بکس ایک لان کی گھاس میں سے ملے۔یہ خاندان یہاں چھٹیاں گزارنے کے لیے آیا ہوا تھا اور گھر کا سربراہ گرل کرنے کے لیے مناسب جگہہ تلاش کر رہا تھا کہ اچانک اسکی نظر گھاس پھوس میں چھپی کسی چیز پر پڑی جب گھاس ہٹائی تو اس میں سونے کی انگوٹھیوں والے دو بکس بر آمد ہوئے۔
اس خاندان نے اسکی اطلاع مقامی پولیس کو دی جس نے موقع پر پہنچ کر دونوں بکسوں کو قبضے میں لے لیا۔پولیس کا کہنا ہے کہ ایسا لگتا ہے کہ یہ بکس چوروں نے کسی دوکان سے چوری کیے ہیں اور پکڑے جانے کے ڈر سے انہیں یہاں چھپا دیا گیا ہے۔پولیس مزید تحقیق کر رہی ہے۔
