ترکی میں شدید زلزلے کے جھٹکے محسوس کئے گئے ،جبکہ شدت 5.3ریکارڈ کی گئی ہے۔غیر ملکی میڈیا کے مطابق ترکی کا ساحلی شہر بودرم زلزلے کے شدید جھٹکوں سے لرزاٹھا، امریکی جیولوجیکل سروے کے مطابق زلزلے کی شدت5.3 تھی جبکہ مرکز بودرم سے15 کلومیٹر جنوب مشرق کی طرف تھا۔زلزلہ اس قدر شدید تھاکہ لوگ خوف کے مارے گھروں اور دفاتر سے باہر نکل آئے، تاہم ابھی تک کسی جانی یا مالی نقصان کی کوئی اطلاع موصول نہیں ہوئی ہے۔
