احمد علی برقی اعظمی
آزادی کے مردِ مجاہد تھے ٹیپو سلطان
جن کی شجاعت اور شہامت میں ہے الگ پہچان
حیدر علی کے یہ فرزند تھے ان کی طرح شیر میسور
جن کی فداکاری ہے جہاں میں کارِ عظیم الشان
وقت کی ہے اک اہم ضرورت ذہن میں ہو محفوظ
اپنی کتابِ آزادی کا یہ زریں عنوان
اردو اخباروں کے ضمیمے کرتے ہیں ان کو یاد
جان کے شاید اہل وطن ہیں اب اُن سے انجان
صفحۂ ذہن سے نسلِ جواں کے محو نہ ہوجائیںوہ کہیں
چار مئی کو ہنستے ہنستے دے دی جنھوں نے جان
اُن کی قربانی کا صلہ دیں یا کہ نہ دیںپر رکھیں یاد
جذبۂ حُبِّ وطن ہے اُن کا اک آدرش مہان
اُن کے نقوشِ قدم گر ہوں گے اپنے مشعلِ راہ
جاری و ساری رہے گا برقی اُن کا یہ فیضان
واہ جناب کیا خوبصورت کلام ہے مگر شاعر کا نام ندارد یہ ذیادتی ہے کیا خوبصورت شعر ہے جمود توڑا…