غیرملکی مہمان کا روز ویلیٹ ہوٹل کے کمرہ 1408 کے آسیب زدہ ہونے کا دعویٰ لیکن گیسٹ ریلیشنز آفیسر نے کیا بتایا؟ دلچسپ مگر پراسرار خبرآگئی

غیرملکی مہمان کا روز ویلیٹ ہوٹل کے کمرہ 1408 کے آسیب زدہ ہونے کا دعویٰ لیکن گیسٹ ریلیشنز آفیسر نے کیا بتایا؟ دلچسپ مگر پراسرار خبرآگئی

گزشتہ سال قیام کرنیوالے ایک غیرملکی مہمان نے پی آئی اے انویسٹمنٹ کی ملکیت نیو یارک کے مشہور ہوٹل روز ویلٹ کے ایک کمرے پر روحوں اور بھوتوں کی موجودگی کادعویٰ کردیا تاہم گیسٹ ریلیشنز کی ذمہ دار نے اس دعوے کو مسترد کردیا اور بتایا ہے کہ اس ہوٹل کے آسیب زدہ ہونے کا نہیں سنا البتہ ہالی ووڈ میں واقع اسی نام کے روزویلٹ ہوٹل کے بارے میں آسیب زدہ ہونے کی متعدد کہانیاں ضرور سنی ہیں۔

روزنامہ جنگ کے مطابق پی آئی اے کی جانب سے گزشتہ کئی سال سے ہرسال تمام اخراجات ٹیکس انتظامی اخراجات اور تمام تر مالیاتی بے قاعدگیوں کے باوجود کئی ملین سالانہ منافع دینے والے ڈیڑھ ارب ڈالرز کی مالیت کے اس ہوٹل کو 31اکتوبر سے مستقل بند کرنے کا فیصلہ کیا جا چکا ہے لیکن ہوٹل کے کمراہ نمبر 1408 کو بھوتوں سے خالی کرانے کیلئے تاحال کوئی اقدام نہیں کیا۔

تفصیلات کے مطابق مارچ 2019ءمیں ایک غیر پاکستانی گیسٹ نے اپنے دوستوں کے ساتھ روز ویلٹ ہوٹل کے کمراہ نمبر 1408 میں قیام کیا، قیام کے بعد روزویلٹ ہوٹل کے اس مہمان نے اپنے تجربہ کی تفصیلات بیان کرتے ہوئے ”ٹرپ ایڈوائزر“ نامی ایک ویب سائٹ پر لکھاہے کہ روز ویلٹ ہوٹل کے اس کمرے میں داخل ہوتے وقت ہی عجیب احساس ہوا جسے میں اور میرے ساتھی نے نظر انداز کردیا۔

پھر جب میں غسل خانہ میں گیا تو ٹب کے ساتھ لگے کرٹن کو خود بخود اکٹھا ہوتےدیکھ کر خوف زدہ ہو گیا لیکن خود پر قابو پاتے ہوئے اسے محض وہم قرار دیدیا۔ میں نے غسل کرکے باہر آکر اپنے دوست سے واقعہ بیان کیاتو وہ بھی پریشان ہوگیا ہم نے ہوٹل صرف دو روز کیلئے بک کیاتھا اور ہم نے ہوٹل تبدیل کرنے کیلئے بڑی کوشش بھی کی لیکن نیو یارک کے دیگر ہوٹلوں میں جگہ نہ ملی لہٰذا ہم نے دو دن تک روزویلٹ ہوٹل کے اس کمرے میں مجبورا ً قیام اور مشاہدات کے بعد واپس آنے کے بعد جب آسیب زدہ جگہوں کےبارےمیں ریسرچ کی تو ہمارے خوف کی تصدیق ہوگئی، ہمارے دو روز کے مشاہدات اس کاثبوت ہیں کہ یہ کمراہ ا?سیب زدہ اور بھوتوں کابسیرا ہے۔

اس مہمان کے مشاہدے کا بیان آج بھی ویب سائٹ پرموجود ہے جبکہ اس بیان کے جواب میں روزویلٹ ہوٹل کی گیسٹ ریلیشنز کی ذمہ دار خاتون کرسٹینا نے 31اکتوبر 2019ءکولکھا کہ ہم نے اپنے اس روزویلٹ ہوٹل نیو یارک کے بارے میں آسیب زدہ ہونے کا نہیں سنا البتہ ہالی ووڈ میں واقع اسی نام کے روزویلٹ ہوٹل کے بارے میں آسیب زدہ ہونے کی متعدد کہانیاں ضرور سنی ہیں اور ہالی ووڈ کے روزویلٹ ہوٹل سے ہماراکوئی تعلق نہیں، روز ویلٹ ہوٹل نیویارک کے کمراہ نمبر 1408 کی خصوصیت یہ ہے کہ اس کمرے میں متعدد پاکستانی مرحوم اور حیات شخصیات نے بھی قیام کیاہے۔

جن میں آزاد کشمیر کے صدر سردارعبدالقیوم (مرحوم)، وزیر خارجہ شاہ محمود قریشی، سابق وزیر خارجہ سرتاج عزیز سمیت کئی درجن پاکستانی شخصیات شامل ہیں۔سابق صدر پرویز مشرف اپنے دورہ نیو یارک میں اسی روز ویلٹ ہوٹل میں قیام کرتےتھے۔یہی کمراہ ان کے معاونین اور مشیروں کے تصرف میں رہتا۔ وزیراعظم عمران خان کے دورہ اقوام متحدہ کے دوران بھی یہ کمراہ ان کے معاونین کےتصرف میں رہا، ایک پاکستانی امریکی نے تبصرہ کرتے ہوئے کہا کہ اب ہوٹل کو بند کرتےہوئے اس ہوٹل میں قیام کرنے والےبھوتوں کو نکالنے کا اقدام کرنا ہو گا۔

اپنا تبصرہ لکھیں