Home / حالات حاضرہ / خبریں / رخصتی سے کچھ گھنٹے قبل دلہن کا انتقال، کفن پر شادی کا جوڑا رکھ کر تدفین، رقت آمیز مناظر

رخصتی سے کچھ گھنٹے قبل دلہن کا انتقال، کفن پر شادی کا جوڑا رکھ کر تدفین، رقت آمیز مناظر

رخصتی سے کچھ گھنٹے قبل دلہن کا انتقال، کفن پر شادی کا جوڑا رکھ کر تدفین، رقت آمیز مناظر

عرب ملک مصر میں ایک دلہن رخصتی سے چند گھنٹے قبل انتقال کرگئی جس کے باعث شادی والے گھر میں صفِ ماتم بچھ گئی۔ دلہن کو کفن پر شادی کا جوڑا رکھ کر سپردِ خاک کردیا گیا۔

غیر ملکی میڈیا کے مطابق مصر کے شہر ھھیا میں دلہن رخصتی سے چند گھنٹے قبل اچانک بے ہوش ہو کر گر پڑی ۔ اسے فوری طور پر الزقازیق ٹیچنگ ہسپتال لے جایا گیا جہاں ڈاکٹرز نے اس کی جان بچانے کی ہر ممکن کوشش کی تاہم انہیں اس میں کامیابی ںہیں ہوسکی۔

دلہن کے یوں رخصتی سے چند گھنٹے قبل اچانک انتقال کرجانے کے باعث شادی والے گھر میں صفِ ماتم بچھ گئی اور پورے شہر میں سوگ چھا گیا۔ دلہن کی نماز جنازہ میں بڑی تعداد میں لوگوں نے شرکت کی۔ اسے کفن پر شادی کا جوڑا رکھ کر سپردِ خاک کیا گیا۔

دلہن کی ایک رشتہ دار خاتون دعا محمد نے بتایا کہ اسے کوئی بیماری لاحق نہیں تھی، ابھی وہ چھ روز پہلے ہی اپنی سہیلی کی شادی سے واپس آئی تھی، دولہا کے گھر اس کے جہیز کا سامان پہنچایا جاچکا تھا لیکن قدرت کو کچھ اور ہی منظور تھا۔

 

Check Also

انٹر کلچرل وومن گروپ اوسلو میں موسم خزاں کی الوداعی پارٹی،فن پاروں کی نمائش اور ادبی محفل

انٹر کلچرل وومن گروپ اوسلو میں تیس ستمبر بروز جمعرات ڈیزائننگ اور لینگوج گروپ نے ...

Leave a Reply

Your email address will not be published. Required fields are marked *



Enable Google Transliteration.(To type in English, press Ctrl+g)

Copy Protected by Chetan's WP-Copyprotect.
%d bloggers like this: