Home / حالات حاضرہ / خبریں / سعودی عرب کا ائیرپورٹ تباہی سے بال بال بچ گیا

سعودی عرب کا ائیرپورٹ تباہی سے بال بال بچ گیا

سعودی عرب کا ائیرپورٹ تباہی سے بال بال بچ گیا

سعودی عرب کا ایک ایئرپورٹ بڑی تباہی سے بال بال بچ گیا جسے دھماکہ خیز مواد سے بھر ڈرون طیارے کے ذریعے اڑانے کی کوشش سعودی سکیورٹی فورسز نے ناکام بنا دی ہے۔ دی مرر کے مطابق یہ ڈرون طیارہ سعودی عرب کے شہر جیزان (Jizan)کے ایئرپورٹ کی طرف بڑھ رہا تھا جب سکیورٹی فورسز نے ریڈار کے ذریعے اس کا سراغ لگا لیا اور اسے تباہ کر دیا۔

رپورٹ کے مطابق جیزان سعودی عرب کا سرحدی شہر ہے جو یمن کے بارڈر سے کچھ ہی فاصلے پر واقع ہے۔ سعودی نیوز ایجنسی ایس پی اے نے اپنی رپورٹ میں بتایا ہے کہ ”یہ ڈرون طیارہ یمن میں موجود حوثی باغیوں کی طرف سے لانچ کیا گیا تھا اور اس میں اتنا دھماکہ خیز مواد تھا کہ ایئرپورٹ پر بڑی تباہی آ سکتی تھی۔ “ اس سے قبل حوثی باغیوں کے زیرانتظام چلنے والے ٹی وی چینل ’مسیراہ‘ (Masirah)پر اس بات کا اعتراف کیا گیا اور بتایا گیا کہ حوثیوں کی طرف سے ایک ڈرون سٹرائیک کی گئی ہے جس میں جیزان کے ایئرپورٹ پر واقع ملٹری ہینگرز کو نشانہ بنانے کی کوشش کی گئی۔ واضح رہے کہ یمن میں جنگ شروع ہونے کے بعد سے حوثی باغی سعودی عرب پر کئی میزائل حملے کرنے کی کوشش کر چکے ہیں تاہم ہر بار سعودی سکیورٹی فورسز نے میزائلوں کو نشانے پر پہنچنے سے پہلے ہی تباہ کر دیا۔ حالیہ ہفتوں میں ایسے واقعات میں اضافہ دیکھنے میں آیا ہے۔

 

Check Also

نارویجن ڈاکٹرز کی تنظیم کا پناہ گزینوں کی مدد کا عندیہ

نارویجن حکومت کی تشویش ناروے میں ڈاکٹرز کی تنظیم نے سمدر میں پناہ گزینوں کی ...

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Enable Google Transliteration.(To type in English, press Ctrl+g)

Copy Protected by Chetan's WP-Copyprotect.
%d bloggers like this: