Home / حالات حاضرہ / خبریں / ہولملیا لائبریری میں خواتین کی نفسیاتی صحت کے مسائل اور ان کے حل کے موضوع پر سیمینار

ہولملیا لائبریری میں خواتین کی نفسیاتی صحت کے مسائل اور ان کے حل کے موضوع پر سیمینار

نمائندہء خصوصی
ہفتہ کی سہ پہر ساڑھے چار بجے ہولملیا لائبریری میں اسلامک کلچرل سینٹر انٹر کلچرل وومن گروپ اور اردو فلک ڈاٹ نیٹ کے اشتراک سے ایک سیمینار منعقد کیا گیا۔پروگرام کا آغاز عافیرہ نے تلاوت قرآن پاک سے کیا۔اس کے بعد انٹر کلچرل وومن گروپ کی سربراہ غزالہ شاہین نے گھریلو مسائل بچوں کی تربیت اور بچوں کی دیکھ بھال کے ادارے کے موضوع پر گفتگو کی۔اس کے بعد اسلامک کلچرل سینٹر کی معلمہ محترمہ ساجدہ پروین نے این ایل ٹی نیورو لنگوسٹک تھراپی کے حوالے سے معلومات دی اور بتایا کہ کس طرح انسانی سوچ اور ذہن اسکے کردار اور حالات پر اثر انداز ہوتے ہیں اور انہیں کیسے کنٹرول کیا جا سکتا ہے۔ اس کے بعد انہوں نے حاضرین کو ایک مشق کروائی جس سے مثبت سوچ اپنانے میں مدد ملتی ہے۔۔انہوں نے بتایا کہ اس تکنیک سے آدھے سر کا درد، ڈپریشن جسمانی درد اور دوسرے عوارض پر قابو پایا جا سکتا ہے۔اس کے بعد اردو فلک ڈاٹ نیٹ کی جانب سے چیف ایڈیٹر شازیہ عندلیب نے حاضرین کو سائٹ کے اغراض و مقاصد بتائے اسکی اہمیت پر روشنی ڈالی۔انہوں نے سائٹ پر شروع ہونے والی کمپین جو کہ بزرگ افراد کے بارے میں ہے اسکی تفصیلات بتائیں اور سائٹ کی فری سروسز اور آ ن لائن کورسز کے بارے میں معلومات دی۔

source urdufalak.net news desk

Check Also

آدمی نے زندگی کا پہلا گھر خرید لیا، لیکن موقع پر پہنچا تو وہ صرف 30 سینٹی میٹر زمین کا ٹکڑا نکلا

امریکی ریاست فلوریڈا میں ایک شخص نے زندگی کا پہلا گھر خریدا اور جب وہ ...

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Enable Google Transliteration.(To type in English, press Ctrl+g)

Copy Protected by Chetan's WP-Copyprotect.
%d bloggers like this: